Hair care routine | عنايتي بشعري

السلام عليكم ، اليوم بتكلم بشكل بسيط عن عنايتي بشعري.

اول شئ مقدمه بسيطه عن تاريخ شعري هالسنتين، كنت دايم اقصه قصير و آخر شئ من ٧ شهور قصيته بيكسي.

و الحين لما بدا يطول و صار بالمرحله القبيحه اللي مو كاريه ولا قصير مره صرت استخدم اشياء كثير عشان اطلع بشكل نهائي حلو و بكذا تضرر شعري ، و مع هالروتين ارتحت نوعاً ما.

شعري دهني جداً نافش شوي و كثافته متوسطه و يتساقط كثير و ملمسه عادي. نوت متش.

طبعا تكلمت عن الشامبو اللي احطه في تدونتي عن محل لاش هنا

هذا البلسم البخاخ ، اللي عادي تخلينه ع شعرك مو لازم غسل.

ارتحت عليه و خلاه يهبط شوي. ماحط بلسم بالشاور طبعاً

من بوتس و الاسم واضح ع العلبه.

استخدم هذا الحامي من الحراره لما ابغا اسوي شعري ستريت، اكره ريحته كانه عطر رجالي لكن ما ادري ليه احسه جد ينفع و يحمي الشعر! برضو من بوتس.

تريسمي حماية للشعر صديقي اكثر من سنه ، احطه لو بغيت اسوي بالفير او كذا ماشتهيت الثاني ابو ريحه. لان تريسمي ريحته حلوه.

بديت استخدمه مؤخراً عشان التساقط اللي بشعري على اساس انه مغذي و يحمي من التساقط و للحين ما شفت نتايج ، مع العلم انه مو يومياً يعني متى ما تذكرت بخيت على الجذور و مسجّته 

 كريم استخدمه ٣ شهور بس احطه باطراف شعري لان شعري دهني ماحط بالجذور احسه نفع يعني صار ما يتقصف بسرعه . اما انه يسمح باطاله الشعر؟ لا ما شفت حاقه -.-

  

الدراي شامبو اللي اقل شئ استخدمه بالحياة عندي علبتين منه كبار وما نقص منهم للحين. هو ينحط ع الجذور على شعر ثاني او ثالث يوم عشان يوخر الشكل الدهني لكن انا افضل اني اخذ شاور احس بانتعاش و احسه جد نظيف مو مخبيته بهذا < تفكيرك !

واخيرا و ليس اخرا انا مو مع مبداء حددي شعرك بعد كل فتره عشان يروح التقصف و يطول، العنايه تبداء من الجذور و الحمايه تكون للاطراف.

 قد جربت شامبوهات ومنتجات السوبر ماركت او الدرق ستور من قبل لكن للاسف ما كانت تناسبني و صراحة حتى هالنظام ما ناسبني ممره. لكنه اهون من غيره.

الى روتين آخر ..